Lyrics Jaeen/Jain wicharit raan phula

जाईन विचारीत रानफुला
भेटेल तिथे गं, सजण मला

भग्न शिवालय परिसर निर्जन
पळस तरुंचे दाट पुढे बन
तरुवेली करीतील गर्द झुला

उंच पुकारील, मोर काननी
निळया ढगांतून भरेल पाणी
लहरेल विजेची सोनसळा

वाहत येईल पूर अनावर
बुडतील वाटा आणि जुने घर
जाईल बुडून हा प्राण खुळा

Lyrics Wel jhali bhar madhyan (Majhya Pritichya Phula)

वेळ झाली भर माध्यान
माथ्यावर तळपे उन
नको जाऊ कोमजुन
माझ्या प्रितीच्या फुला ...(२)
रे प्रितीच्या फुला ||

वेळ झाली भर माध्यान
माथ्यावर तळपे उन
नको जाऊ कोमजुन
माझ्या प्रितीच्या फुला || 1 ||

मृगाजळाच्या तरंगात
नभाच्या निळ्या रंगात
चल रंगु सारंगात सारंगात
चल रंगु सारंगात
माझ्या प्रितीच्या फुला ...(3)

वेळ झाली भर माध्यान
माथ्यावर तळपे उन
नको जाऊ कोमजुन
माझ्या प्रितीच्या फुला