शालू हीरवा पाचू नी मरवा वेणी तीपेडी घाला
साजणी बाई येणार साजण माझा
मोऱ्या भाळी चढावा जाळी नवरत्नान्ची माला
साजणी बाई येणार साजण माझा ||
चुल बोळ्की इवली इवली भातुकलीचा खेळ ग
लुटुपुटुच्या संसाराची संपत आली वेळ ग
रेशमी धागे ओढ़ती मागे व्याकुळ जीव हा झाला
साजणी बाई येणार साजण माझा ||१||
सुर गुम्फिते सनई येथे झडे चौघडा दारी
वाजत गाजत घोड्यावरुनी येइल आता स्वारी
मी वरमाला घालीन त्याला मुहुर्त जवळी आला
साजणी बाई येणार साजण माझा ||२||
मंगल वेळी मंगल काळी डोळा का ग पाणी
साजण माझा हा पतिराजा मी तर त्याची राणी
अंगावरल्या शेलारीला बान्धीन त्याचा शेला
साजणी बाई येणार साजण माझा ||३||
